Krossgátufólk

 Ég fór til Reykjavíkur í kvöld og skellti mér á bar. Ekki til þess að drekka bjór heldur til þess að ráða krossgátur. Já, það er farið að gera það á börum. Milli 30 og 40 manns var þarna mætt til þess að taka þátt í krossgátukeppni.  Ég er ekki sú eina sem get varla beðið eftir sunnudagsmogganum með sunnudagskrossgátunni, það er fullt af öðru jafn skrýtnu fólki.

Hópurinn sem ég var í vann ekki keppnina en við stóðum okkur samt vel.

Ég leit yfir hópinn til þess að finna út hvers konar fólk þetta væri, sem mætti á bar til þess að ráða krossgátur en ég fann ekki neitt sameiginlegt nema hvað allir voru mjög gáfulegir.

Ég vona að ég hafi ekki stungið mjög í stúf.

Athugasemdir

[Margrét St Hafsteinsdóttir, 10.5.2007 kl. 00:50]

En sniðugt! Ég gæti hugsað mér að taka þátt í svona keppni Hvar eru þær haldnar?

[Guðrún S Sigurðardóttir, 10.5.2007 kl. 09:58]

Á Næsta bar annan miðvikudag hvers mánaðar. Það er reyndar komið sumarfrí núna en mun byrja aftur í haust. Fylgstu með á www.krossgatan.is

[Margrét St Hafsteinsdóttir, 10.5.2007 kl. 12:32]

Takk fyrir upplýsingarnar