Ekkert sólbað

Ég var harðákveðin í því þegar ég fór að sofa í gærkvöldi að ég skyldi ekki eyða minni tíma í dag í sólbað en í gær. Var búin að  ákveða hvaða bók ég tæki með mér í sólbaðið og búin að finna til krossgátur, sudokur og blýanta. Teppið og púðinn bíða úti á grasi frá því í gær. Þess vegna varð ég fyrir gífurlegum vonbrigðum þegar ég hafði sprottið eins og stálfjöður upp úr bólinu og varð litið út um gluggann áður en ég klæddist ósæmilega bikinu mínu. 

Það er ekkert að marka veðurspár.

Athugasemdir

[Ingibjörg (IP-tala skráð) 10.7.2007 kl. 19:41]

Víst kom hún sólin.
Hvernig gengur með gátuna?
Kveðja,
Ingibjörg

[Hafsteinn Viðar Ásgeirsson, 11.7.2007 kl. 11:28]

Ekki trúi ég að þú hafir þurft að bíða í margar mínútur eftir að þetta var skrifað hjá þér, þar til þú gast varið að valda tjóni á húðinni....

[Guðrún S Sigurðardóttir, 11.7.2007 kl. 15:26]

Var aðeins of fljót að fara í fýlu, en fýlan fór um leið og sólin fór að skína og ég gat lagst út!