Góð gjöf

Hann Simmi minn færði mér óvænta gjöf í dag þegar hann kom heim úr vinnunni. Hann kom með svaka fína útivistarúlpu handa mér. Mig vantar eiginlega ekkert svoleiðis úlpu en gjöf er gjöf og mér fannst hann bara sætur að færa mér þetta. Það er reyndar búið að sauma út nafn fyrirtækisins sem hann vinnur hjá á aðra ermina þannig að mér finnst úlpan ekki eins fín fyrir vikið en gjöf er gjöf.

Það besta við úlpuna er að hún er svona tveimur númerum of lítil á mig.

Ég veit núna hvaða augum hann Simmi minn lítur á mig.

Hann hefur greinilega ekkert tekið eftir þessum 15 kílóum sem ég hef bætt á mig gegnum tíðina.