Sjálfsblekking

Vá, hvað er gaman að fá símhringingu þegar sá sem hringir er að tilkynna að maður hafi unnið í happdrættinu.

Þó að það sé bara sjöþúsund kall.

Rétt áður en ég fékk símhringinguna var ég að renna yfir sparikjólarekkann í skápnum og fann þar kjól sem ég var búin að steingleyma að ég ætti, sem þýðir að ég þarf ekki að splæsa í nýjan kjól fyrir þorrablótið.

Ég græddi sem sagt miklu meira en sjöþúsund.

Meðan ég er í þessari sæluvímu hvíslar skynsemispúkinn á öxlinni á mér að ég sé búin að eyða miklu meira en sjöþúsund í þennan happdrættismiða og að það sé ekki nauðsynlegt að kaupa nýjan kjól fyrir hvert einasta þorrablót.

Jæja þá.

Athugasemdir

[Magnþóra (IP-tala skráð) 31.1.2008 kl. 20:07]

Já, hann truflar mann stundum þessi skynsemispúki.

[Þórhildur Helga Þorleifsdóttir, 31.1.2008 kl. 22:58]

Hvaða bull,- þú ert búin að styrkja e-hvað gott málefni í fjölda ára ;) og auðvitað þarf nýjan kjól fyrir hvert eitt og einasta þorrablót !!

[Guðrún S Sigurðardóttir, 31.1.2008 kl. 23:26]

Nú snýst ég í marga hringi.  Á hvern á ég að hlusta?