Í blíðu og stríðu á bóndadaginn

"Við verðum að splæsa í brennivínspela úr þessu," sagði Simmi minn þegar við vorum búin að velja sitt lítið af hverju af þorramat úr kjötborðinu í Nóatúni á Selfossi í gær.

Á sjálfan bóndadaginn.

"Af hverju?"

"Nú, með hákarlinum."

"En þú borðar ekki hákarl."

"Nei, ég veit það en þú gerir það."

"Já, en ég drekk ekki brennivín."

"Já, en skilurðu þetta ekki manneskja, hákarl og brennivín eiga að vera saman og nú eigum við hákarl og ekkert brennivín. Það gengur ekki."

Ég skildi þetta svo sem alveg. Ég gúffa í mig hákarlinn og henn drekkur brennivínið.

Samhent hjón.

Það er þannig sem þetta virkar.

Í blíðu og stríðu.

Hákarl og brennivín.

Athugasemdir

[Þórhildur Helga Þorleifsdóttir, 27.1.2008 kl. 15:28]

Góður Simmi ;)

[www.zordis.com, 28.1.2008 kl. 21:26]

Simmi er snillingur  að sjálfsögðu er það brennivín og hákarl! 

Er að fatta það að ég á brennivín, hákarl, harðfisk og söl!  Get haldið mitt einka þorrablót og þá meina ég einka!

[Sigþrúður Harðardóttir, 30.1.2008 kl. 23:12]

Þetta blogg þykir aldeilis eiga erindi við umheiminn. Birtist í Sunnlenska í kvöld.

Eitt sinn birtist bloggfærsla eftir mig í Sunnlenska. Sú færsla fjallaði einnig um eins konar ágreining okkar hjóna (varðandi kaup á þessu ágæta blaði).

Það má því segja að við berum hjónabönd okkar á torg Gunna mín.

[Guðrún S Sigurðardóttir, 31.1.2008 kl. 16:10]

Ja, hérna hér!!